About Us

၁၉၂၃-၂၄ခုနှစ်တွင် ကာလကတ္တားတက္ကသိုလ်လက်အောက်ခံ ဆေးကောလိပ်တစ်ခုကို ယခုမြို့မ ကျောင်းလမ်းတွင် စတင်ဖွင့်လှစ်ပြီး အမ်ဘီဘီအက်စ်ဘွဲ့ကို ပေးအပ်ခဲ့ပါသည်။၁၉၃၀ခုနှစ်တွင် ရန်ကုန်တက္ကသိုလ်လက်အောက်ခံ ဆေးကောလိပ်တစ်ခုဖြစ်လာပြီး ရန်ကုန် တက္ကသိုလ် ဒုတိယအဓိပတိက ဥက္ကဌအဖြစ်ဆောင်ရွက်၍ ဆေးရုံအုပ်ကြီးက ဒုတိယဥက္ကဌအဖြစ် တာဝန်ယူ ဆောင်ရွက်သည့် စီမံခန့်ခွဲရေးအဖွဲ့ လက်အောက်တွင်ရှိခဲ့ပါသည်။ဒုတိယကမ္ဘာစစ်ပြီးဆုံးပြီးနောက် ၁၉၄၆ခုနှစ်တွင် ရန်ကုန်တက္ကသိုလ်ကို ပြန်လည်ဖွဲ့စည်းရာတွင် ဆေးကောလိပ်ကို ရန်ကုန်တက္ကသိုလ်လက်အောက်ခံ ဆေးပညာမဟာဌာန( Faculty of Medicine )အဖြစ် တိုးချဲ့ဖွဲ့စည်းခဲ့ပါသည်။ ၁၉၆၃ခုနှစ်တွင်၊ မင်္ဂလာဒုံ၌ ရန်ကုန်တက္ကသိုလ်၏လက်အောက်ခံ ဆေးပညာမဟာဌာနအမှတ်(၂)ကို ဖွင့်လှစ်ခဲ့ပါသည်။ ၁၉၆၄ခုနှစ်တွင် တက္ကသိုလ်ပညာရေးဥပဒေကိုပြဌာန်းခဲ့ပြီး ဆေးပညာမဟာဌာနအမှတ်(၂) ကို Institute of Medicine - 2 အဖြစ်ပြောင်းလဲခဲ့သည်။ ၁၉၇၃ ခုနှစ်တွင် Institute of Medicine - 2 ကို ပညာရေးဝန်ကြီးဌာနမှ ကျန်းမာရေးဝန်ကြီးဌာန သို့ လွှဲပြောင်းခဲ့သည်။ ၁၉၉၆ ခု၊ စက်တင်ဘာ ၂၅ တွင် IM2 Campus တည်နေရာကို မင်္ဂလာဒုံတပ်နယ်မြေမှ မြောက်ဥက္ကလာပမြို့နယ်သို့ ပြောင်းရွှေ့ခဲ့သည်။ ၂၀၀၅ ခုနှစ် ဇွန်လတစ်ရက်နေ့တွင် Institute မှ University အဆင့်သို့ အဆင့်မြှင့်တင်နိုင်ခဲ့သည်။